溏心风暴中,程亮写了几天"没有常在心的日子"?
发布网友
发布时间：2022-10-18 17:10
共2个回答
热心网友
时间：2023-11-21 23:11
以前一见到常心写日记﹐我就会笑佢﹐觉得好无聊﹐根本无人会睇。但到左而家﹐我终於明白一个人系好唔开心既时候﹐原来唔系去饮酒﹐唔系去搵朋友倾计﹐而系好想好想写嘢﹐将自己既心情写晒出来。
今日系呢24天以来比较开心既一日﹐常在心终於搵到嘢做啦。系尖沙咀一间律师楼到做legal clerk。我谂佢一定好开心﹐一定会再笑番。以前佢成日系我间房到笑﹐无情情都笑一餐。食左粒好味既朱古力都可以笑到咔咔声。嗰时我成日想佢静D﹐等我可以专心工作。但而家再听唔到佢既笑声﹐我反而好讨厌静既感觉。
以前我好有自信﹐决定左就勇往直前。但今次面对常在心﹐我完全唔知点做。我好想行前一步去弥补我既过失﹐但系原来咁样反而会伤害到佢。当佢望著我﹐D眼泪好似失控咁样流出来既时候﹐我心好痛。究竟我应该点做﹖有无人可以话比我知我应该点做﹖
�0�2
没有常在心的日子﹐第29日﹐睛
今日律师楼请左个新既legal clerk取代常在心。阿Ted介绍佢比我识。唔知点解佢同我打招呼既时候﹐我个心突然间有种好酸既感觉﹐所以我无头无尾咁同佢寒暄左几句﹐之後就行开左。我谂嗰个女仔一定觉得我好奇怪。
�0�2
没有常在心的日子﹐第33日﹐雨天
我每日食lunch嗰时都会搭船过尖沙咀﹐系常在心做嘢嗰座大厦下面条街到来 回 行三次﹐希望可以撞到佢﹐但我无一次撞到。点知我今日一落船就系码头见到佢﹐见到佢挨著系栏杆到食汉堡包。佢瘦左﹐仲有D憔悴。但佢收到个电话之後就好开心系到讲﹐唔知嗰个人会唔会系得得地呢﹖
�0�2
没有常在心的日子﹐第37日﹐睛
今日水擘擘约左我出来﹐我终於见到嗰个有过度活跃症既副机师David。佢地��去完打草地滚球。嗰个David真系好过引﹐不停咁讲嘢﹐好似个细路仔咁。见到佢地咁甜蜜﹐我都好替佢地开心。唔知我同常在心仲会唔会有一齐笑﹐一齐开心既日子呢﹖
�0�2
没有常在心的日子﹐第42日﹐睛
我今日系*门口撞到大脚八。同常在心拍拖既时候﹐我记得有一次我地吵左架﹐好无聊系到谂 - 如果个天比我打赢大脚八﹐但系就会失去常在心﹐我会拣边样﹖我当时竟然谂左好内。但系如果而家比我拣﹐我宁愿输一万次都唔想失去常在心。
�0�2
没有常在心的日子﹐第49日﹐阴天
我今日lunch time又去左尖沙咀﹐又见到常在心系码头到食lunch。我见到佢又瘦左﹐个样好失落。我知佢一定系为左我先至咁。我有时真系好憎自己搞到佢咁样。我本来好想行埋去﹐但系结果都无。我惊佢一见到我又喊﹐我唔想再见到佢流眼泪。
�0�2
没有常在心的日子﹐第152日﹐睛
得得地搵我帮佢舅父打官司。佢舅父涉嫌冒充日本乾鲍代理商进行诈骗。我同佢fight到尽架啦﹐结果判左缓刑两年。得得地好开心﹐猛咁同我握手多谢我。佢话好 采 有我﹐如果唔系佢舅父就要坐监啦。唔知点解﹐我已经唔再恨得得地﹐仲开始对呢个人有D好感。
�0�2
没有常在心的日子﹐第318日﹐雨
呢排我成日都发同一个梦。我梦见常在心已经原谅左我﹐成日系我隔离系咁笑。梦始终系要醒既。程亮﹐唔好再傻啦﹐无左常在心﹐日子都仲系要过。专心工作吧啦。
�0�2
没有常在心的日子﹐第476日﹐睛
今期『法律人周刊』选左我做今年既律政界风云人物。全公司既人都好替我开心﹐但唔知点解我既心情无想像中咁兴奋。我一个人去左大排档叫左碗水蟹粥来食。唔知常在心知唔知道呢个消息呢﹖佢既心情会点呢﹖佢会唔会替我开心呢﹖
�0�2
没有常在心的日子﹐第718日﹐睛
唔知点解今日出街既时候﹐唔觉唔觉去左西环邨。一个对我来讲好熟悉但系又好陌生既地方。我停左系到﹐我不知自己等紧唛。结果等到既系常在心同得得地。我以为我同常在心分开左﹐佢地两个好快会行埋一齐。点知原来唔系。我一直都不相信有人可以无条件咁去爱护一个人﹐一D目的都无。而家我信啦﹐得得地做得到。我都希望自己可以做到。
�0�2
没有常在心的日子﹐第831日﹐睛
今日我搭的士离开*既时候﹐我竟然系架的士上面不断咁流眼泪。以前我成日谂如果终於有一日打赢大脚八﹐我肯定会开心到流眼泪。但我好肯定我今次既眼泪系为常在心开心而流既。今日我心离开常在心既时候﹐我突然之间有股冲动好想走番转头同佢讲声你可唔可以原谅我﹖但系我终於都无咁做到。
我今次去New York会去一个月先番﹐呢个月我都唔会见到常在心….. 算啦﹐唔好再同佢提番起以前既事啦。我唔想佢好似之前嗰次咁﹐失控咁流晒眼泪。我想常在心永远都笑﹐好似今日系*走廊到笑得咁开心。
原来呢两年来﹐我打既日记加埋有成十二万字。我谂我呢世人打过既中文字加埋都唔够我呢本日记多。希望有一日常在心原谅左我既时候﹐我地可以一齐坐系梳化到﹐一路食水蟹粥﹐一路睇番呢本日记。
�0�2
没有常在心的日子﹐第843日﹐阴天
今日我一落机就番左office﹐Duncan病左。我代佢见两个clients。呢单系一单离婚case。系个太太提出离婚既。个丈夫系会计司﹐好斯文。个丈夫情绪好激动﹐系我office到大声咁闹佢老婆。我都唔知自己当时点解会咁恶喝个client。我从来都未试过 系office发咁大脾气。我见到个女人不断咁流眼泪﹐我都唔知点安慰佢好。食饭既时候﹐谂番起嗰个男人所讲既嘢﹐我觉得呢个人真系好丑恶。其实自己咪同佢一样咁丑恶。有时我会谂 ….. 我虽然对唔著常在心﹐但我已经真心知错啦﹐我已经尽晒自己既能力去补偿﹐我真系唔明白点解常在心仲要咁掘强。逐渐我清楚啦…..唔明白既人系我。我唔明白我对常在心既伤害有几深。
�0�2
没有常在心的日子﹐第857日﹐睛天
我今日收到国际法律界年会既确认信﹐我竟然攞到个杰出青年法律人银奖。阿Ted 同Gordon班嘢好似仲开心过我﹐系都要拉我去卡拉OK庆祝。其实我无咩心情去。不过突然间谂起呢个可能另一个机会比我见到常在心。
�0�2
没有常在心的日子﹐第863日﹐雨
死啦﹐已经深夜三点钟﹐仲未谂到咩方法可以帮常在心打嗰单case。我忽然间谂番起嗰日系撞车嗰条马路到常在心望著我既眼神。佢仲系锺意我既。不如你鼓起勇气同佢讲对唔著啦﹐佢会原谅你架。不如咁啦﹐交比个天决定﹐如果明日仲系落雨架话﹐我就向佢表白。
�0�2
没有常在心的日子﹐第864日﹐阴天
今日成日都系阴阴天﹐一直都无落雨。我心谂 算啦﹐个天叫我唔好讲。点知突然间落雨﹐我开心到好似细路仔咁笑。Cindy 佢地都唔知我做咩。我即刻打电话比常在心约佢出来。我话比常在心听佢嗰单case我仲未谂到咩point﹐但佢无比压力我﹐仲叫我放肆D慢慢谂。佢仲讲左D佢上庭既得意嘢被我听。个傻妹话有一次﹐当佢讲结案陈词嗰阵时﹐讲讲下竟然发现自己条裙无拉拉鍊。其实都唔系真系咁好笑﹐但系佢就笑到好似收唔到制咁﹐成身都震晒。我终於无听个天讲﹐同常在心表白﹐希望佢原谅我。因为我见佢笑得咁开心﹐我唔想勾番起以前D往事﹐我惊佢又喊﹐我唔舍得佢喊。程亮﹐唔好谂咁多啦﹐而家最重要既就系帮常在心谂掂D point。帮个轻度弱智既男仔脱罪。
�0�2
没有常在心的日子﹐第871日﹐睛
今日我终於见识过常在德嗰种无赖法﹐估唔到过左两年﹐佢一D都无变过。但我同常在心就已经唔同左。常在心比以前成熟左﹐坚强左。我地都唔会好似以前咁为左佢阿哥吵架。我开始明白常在心以前既感受﹐已经有个咁唔生性既阿哥﹐仲要比个男朋友闹﹐佢当时既心情一定好难过。我真系好後悔自己当时点解唔体谅下佢多D﹐不过而家後悔都已经太迟啦。以前我地每次吵架﹐问心讲﹐我真系觉得自己无错。我以为我做咩都系为左常在心好。我系紧张佢所以先闹佢。但系原来我根本就唔识点样先系对一个人好。对唔住呀﹐常在心
当你真系好锺意一个人﹐无论你已经为佢付出左几多﹐你都会觉得唔够。你会好想用你一生既时间来对佢好。唔知我仲有无咁既机会呢﹖
热心网友
时间：2023-11-21 23:12
